டிஜிட்டல் கோல்டு SIP கால்குலேட்டர்

டிஜிட்டல் கோல்டு SIP (Digital Gold SIP) என்றால் என்ன?

முன்பெல்லாம் நகைக்கடைக்குச் சென்று பல ஆயிரங்களைக் கொடுத்துத்தான் தங்கம் வாங்க முடியும். ஆனால் இன்று Digital Gold மூலமாக 10 ரூபாய்க்குக்கூட நாம் அன்றைய மார்க்கெட் விலையில் டிஜிட்டல் முறையில் தங்கத்தை வாங்க முடியும். Google Pay, Paytm, PhonePe போன்ற ஆப்களில் இது பாதுகாப்பாகக் கிடைக்கிறது.

SIP (Systematic Investment Plan) என்பது மாதா மாதம் ஒரு குறிப்பிட்ட தொகையைத் தொடர்ந்து முதலீடு செய்யும் முறையாகும். மியூச்சுவல் ஃபண்டுகளைப் போலவே டிஜிட்டல் தங்கத்திலும் நாம் SIP முறையில் முதலீடு செய்ய முடியும்.

டிஜிட்டல் தங்கத்தில் SIP செய்வதன் நன்மைகள்:

• ரூபி காஸ்ட் ஆவரேஜிங் (Rupee Cost Averaging): தங்கம் விலை ஏறும்போதும் சரி, இறங்கும்போதும் சரி நீங்கள் தொடர்ந்து வாங்குவதால், நீண்ட கால அடிப்படையில் தங்கம் விலை உங்களுக்குக் குறைந்த சராசரி விலையில் (Average Price) கிடைக்கும்.
• கொள்ளை, திருட்டு பயம் இல்லை: இது டிஜிட்டல் லாக்கர்களில் பாதுகாப்பாக வைக்கப்படுவதால், வீட்டில் வைக்கும் திருட்டு பயமோ, வங்கி லாக்கர் கட்டணமோ கிடையாது.
• சேதாரம் கிடையாது: டிஜிட்டல் தங்கத்திற்குச் செய்கூலி, சேதாரம் கிடையாது (3% GST மட்டும் உண்டு). நீங்கள் விற்க நினைக்கும்போது, அன்றைய மார்க்கெட் விலையில் எந்தவிதக் கழிவுமின்றி நேரடியாக உங்கள் வங்கிக் கணக்கில் பணத்தைப் பெற்றுக்கொள்ளலாம்.

சிறுதுளி பெருவெள்ளம் என்பது போல, உங்கள் மாதச் சம்பளத்தில் ஒரு சிறு பகுதியை எங்களின் இந்தக் கால்குலேட்டரைப் பயன்படுத்தி திட்டமிட்டு, டிஜிட்டல் தங்கத்தில் முதலீடு செய்து உங்கள் எதிர்காலத்தைப் பாதுகாத்துக் கொள்ளுங்கள்.